نِمم چات
وَگَردِم دَس وَ شمشيري نِمم چات
تو ئه‌ژ گيونِ وِژِت سيري نِمم چات
گِلي يِ‌‌ِگِل خُلّـي‌خـاوي مَنينا
دياره ماجـرا ديري نِمـم چات
هميشه كِرژ و خوينالي و قهرو
بِگِر پوپِ كِله‌شـيري نِمم چات
توگِ تيتـالِ مـال ايـررازِنـم بيـن
دو روژه پوخ و دلگيري نِمم چات
قـرار نِيري، پَكَرحال و پريشون
وَ هيچ پاچاي نِمَفيري نِمم چات
دو بِرمت لونه اَخم و تَخمه ايمشو
پرّه‌ته مـاي، لَرّه جيـري نِمـم چات
كِز و كويرژه مَنيشي، دَس وَ زوني
تو نـه بيمار و نه پيري نِمـم چات
دويه‌رَژ بي، رَش و بي‌رنگ و رَشمه
چُمَـتِ داخِ تنـويـري نِـمـم چات
«كـرم» تا يَكي اسم سـويره ماري
دِل اي هولِ چَم انجيري نِمم چات
« کرم دوستی»
