پژاره

ایمشو داخ ئَر دل بیچاره دیرم
رنگی  وَه   زردی   ایواره  دیرم

یه  حالی  مدوم  گیرِ گَن هتی
وَ  خصه هواردن، هوکاره دیرم

مِشتی  اسر  ئه‌را  مور آوردِنـِم
آشاریا   ای  نوم  گلاره  دیـرم

وختی   اسرَلِم   یَکاگیر    بِکَن
گِن‌گِن  ئر  دامون  پَلاره دیـرم

تا  ایِ  تِلَنجِک  زمون  نامه گیر
دو  پا  چوی   آهو  فراره دیرم

خاکِ   وا   بردی  زمینم،   ولی
هومالی وَ  گرد   آساره   دیـرم

ئه‌را  نیشون داین  رازم و بینِت
وَ  سویکِ  چَما   اشاره    دیرم

«کرم» وَ تنـیای شـوگارت قـسم
ایمشو  تا‌ گَه  صو   پژاره  دیرم

کرم دوستی