یادداشت ها

رضا خانی عبدلی

فقیر هم نوم سر دولت من جاته
چند روژتر مری انتخاباته 
شاسیبِلِگَل کول پا پیاده
چو راهپیمایی کتِنِ جاده
سلامَ مکن جوون و پیر مون
هم چو چوار سال پیش کتِنِ ویرمون
دسمو جَرَ من چو برا دلسوز
مال مال مگیردن هر چو عید نوروز
شعارون بیه آبادی کویشت
کول سینه سزیا آزادی کویشت
کولون اِل کر و کولون بِل کرن
مچِن تا نیلِن حق مردم بَرِن
و کی و کی بونَ شورا شَر
هر که کار نکه مَکَنِ اِ دَر
یکونِ موشه چالَل پرا مَهَم
اِ شَهرلِ تِر لودر کرا مهم
یکه تر موشه سرمایه دارم 
اگر رای بینو کارخونه مارم
یکه تر موشِ یکه تریج هم…
کار مکیشِیه رون و برینج هم
کول بعدِ شعار مرگ بر آمریکا
اِ پول نخت مَن تا سیگار زیکا
سرشار سخاوت کول مهربونن
کول استاد سخن شیرین زبونن
تا ساته بچِن بونَ شورا شَر
لباس ریاست هم مَکنِ وَر
چو شیر بِرندَ تیژ هرچو داسِن
رفیق گیون گیونیج دی نمشناسِن

 

یادداشت ها
سیاسی اجتماعی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

تمام حقوق مادی و معنوی این سایت متعلق به پایگاه خبری و استفاده از مطالب با ذکر منبع بلامانع است .